Li
léginde d'a Sint Antône à Blehin
On djoû, è Paradis
N-a l'Bon Diu qui dèrit
-Houtez, Grand Sint Antône
Dis'hindez djus d'vosse trône
Alez oûye wice qu'i v'plêt
Et prindez voss pourcê !
Sint Antône, so çoulà
Dri s'te oréye si grèta
Et d'ha : "Vochal l'afère
Dji vas raler so l'tère".
Et d'hinda to d'on trêt
A cavye so s'pourcê...
E l'compagne dis'hindou
Làvâ, I veût Hanout.
"Volà, di-st-i, 'ne bèle plèce
"Po lès-aclèveûs d'biesses
"Colons, powes èt cokès,
"Robètes èt crås pourcês.
"Dj'a là on vi k'pagnon
"Peu grand qu'tos sès bouhons
"Ine vraie toûr Malakov'
"C'est m'camarôde Cristov'
"Mi prûmi côp d'tchapê
"Por lu, haîe, mi pourcê !".
-Tins, qui vins'fé don twè
Amon lès Hanutwès ?
Oyi, dji k'nohe ti pinsèye,
Ti cwîre chal ine coulèye,
Ti vas piède li cèrvê,
Vi fré, avou t'pourcê.
Mins volà d'vant zèls treûs
Sint Pire tot tchôd tot reû.
To doû, l'monteûre s'ébale
Mins Cristov, è s'potale
Dji va t'drovî l'polê,
Na chal qui trop d'pourcês.
Antôn' volève èsse bin
-Tinez, prindez Blehin
C'è-st-onk di no vihèdjes
N-a pièce po vosse manèdge !
-Sint Pire, vos djåsez bê,
Dji va r'brider l'pourcê.
Tot-z-intrant d'vins Blehin
I d'ha bondjou bråv djin...
Vèya Marie Rosoux
Qui d'hindéve dé ses sous
Et r'tourna tot d'on trêt
Tot carèssant l'pourcê.
Chal, è l'èdlise Sint Pire
Tos lès 17 djanvîr,
S'rindèt å pîd d'Antôn'
Walons, kanifèstôn
Onk po s'vatche, onk po s'vè,
Turtos po leûs pourcês.
D'vins l'timps, l'ofice fini,
So lès grés dè parvis,
On fève li vinte a cwèsses
A tripes, å d'mèyes tièsses
Elle alève à sohêt
Po l'oneûr dès pourcês !
A l'appel dès vindeûs
On boutéve côme dès leûs
On raconte è co oûye
Wis qu'ali ses dispoûyes
Al'cure a pleins bonstês
Po les pôves sin purcês !
Et pwis on n'roviv'nin
Sûr li manèdge dès Sints.
C'èsteût come oûye : tchandèles,
Drapès, fleûrs èt dintèles,
Rin à vèyi d'peu bè
Qui l'Sint avou s'pourcê.
Nos sov'nants dès bontés
Qui l'Sint stâre tot costé,
Priyons ossi qu'i vôye
Nos miner so l'bèle vôye
Qu'on nome li streû pazê